25 қазан – Республика күні қарсаңында «Жанашыр жүрек» атты республикалық халықтық акция аясында мектеп-интернатымызда бірнеше маңызы бар шаралар атқарылды. Соның алғашқысы интернат ұжымы мен әлеуметтік педагог Гүлмира Бекенқызының ұйымдастыруымен Қарағанды қаласында орналасқан «Қазақ Соқырлар Қоғамы» қоғамдық ұйымына көмек көрсетілді. Қайырымдылық жасау үшін асып-тасып бай болу керек емес. Ең бастысы мейірімді жүрегің мен таза ниетің болса жеткілікті деген ұранмен қолымыздан келген азын-аулақ көмегімізді мектеп атынан ұсындық. Сонымен қатар осындай қайырымдылыққа болашақта мұрындық болар жастарымыздың тәрбиесін де ұмытпай, мектебімізде «Ниет» қайырымдылық қорының еріктілерімен бірлесе бастауыш сынып оқушыларына арналған дөңгелек үстел өткізілді. Іс-шара барысында оқушыларға қайырымдылықтың маңызы мен негізі түсіндіріліп, бір-бірлеріңе әрдайым мейірімді болып, жанашырлық танытып жүріңдер деген ақыл кеңестер айтылды.
